នាព្រឹកថ្ងៃទី៣១ ខែឧសភា ឆ្នាំ២០២៣ ស្ថិតនៅសាលប្រជុំសាលាស្រុកស្វាយចេក ខេត្តបន្ទាយមានជ័យ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម សិទ្ធិ ឡោះ ស្នងការនគរបាលខេត្ត លោក ដា ទឹង ប្រធានក្រុមប្រឹក្សាស្រុក និងលោក លឿង សុភក្តិ អភិបាលស្រុក បានអញ្ជើញជាអធិបតីក្នុងការប្រជុំជាមួយ លោក លោកស្រីក្រុមប្រឹក្សាស្រុក ឃុំ លោក លោកស្រី មេភូមិ ទូទាំងស្រុកស្វាយចេក ដើម្បីស្តាប់លទ្ធផលនៃវឌ្ឍនភាពការងារដែលបានអនុវត្តកន្លងមក និងការងារពង្រឹងសណ្ដាប់ធ្នាប់សន្តិសុខសង្គម ពិសេសការត្រៀមលក្ខណៈឆ្ពោះទៅកាន់ការបោះជ្រើសតាំងតំណាងរាស្រ្តនីតិកាលទី៧ ឆ្នាំ២០២៣។ ថ្លែងក្នុងឱកាសនោះ ឯកឧត្តម បានសម្តែងាករកោតសរសើរ ចំពោះអាជ្ញាធរមូលដ្ឋានគ្រប់លំដាប់ថ្នាក់ ក្នុងការចូលរួមអភិវឌ្ឍមូលដ្ឋានឱ្យមានការរីកចម្រើន រក្សាបានសន្តិសុខ សណ្តាប់ធ្នាប់ល្អ។ បន្តខិតខំដោះស្រាយបញ្ហាប្រឈមនានាឱ្យបានទានពេលវេលា និងការជម្រុញប្រជាពលរដ្ឋឱ្យទៅចូលរួមការបោះឆ្នោតជ្រើសតាំងតំណាងរាស្ត្រ អាណត្តិទី៧ នាថ្ងៃទី២៣ ខែកក្កដា ឆ្នាំ២០២៣ ឱ្យបានគ្រប់ៗគ្នា។ ជាមួយនេះ ឯកឧត្តមក៏បានជួយឧបត្ថម្ភថវិកាជូនម្នាក់ ២០.០០០រៀលផងដែរ។